Haradinaj: Rregulli i pagesës gati me u ba në Veri

Kryeministri Hardinaj ka vazhdue debatin me deputeten Hykmete Bajrami, lidhun me shpronësimin në fshatin Hade dhe Shipitullë.

Haradinaj kësaj të fundit i tha se në qeverisjen e LDK’s as nji shtëpi nuk kanë mujt me zhvendos nga ajo pjesë, tue lejue kështu që Kosova me mbetë pa qymyr dhe pa prodhim.

“Partia jote jo që ka qenë e shantazhuar por nuk keni mundur ta zhvendosni një shtëpi dhe i keni lënë 10 vite të ndërtohen një mbi një, do të thotë dy vite të qeverisjes së juaj janë ndërtuar ato dhe nuk e keni mund t’i ndaleni dhe janë ndërtuar një mbi një dhe e keni lënë Kosovën pa qymyr dhe pa prodhim”, tha ai.

Bajrami tha se LDK nuk ka pranue çmime aq të parave për shpronësim.

Haradinaj foli edhe për veriun e Mitrovicës.

“E vërteta është që në veri ne e japim energjinë, nuk e jep tjetërkush, nuk është mirë ta jep askush dhe nuk do të lejojmë ta jap askush për shkak se është Kosovë si treg por duhet të vendoset edhe rregulli i pagesës, kemi ofruar me hap tregun me shpërndarës, jo si KEDS-i, por me shërbime tregtare por po na kërkohet me i thyer ligjet e Kosovës dhe nuk kemi arrit t’i bëjmë “, tha ai.

Simbas Haradinajt, ka diçka kur kanë ndodh reduktimet nga dy-tri ditë, por nuk dëshiron me folë derisa t’i kryejnë të gjitha problemet që janë të trashëgueme.

Shperndaje në: