Rrokum HD

BAMIR TOPI KA NJI DJALE JASHTE MARTESE

07 Nandor 2011 - 11:55
BAMIR TOPI KA NJI DJALE JASHTE MARTESE

Presidenti i Shqipnisë, Bamir Topi e ka nji fëmijë jashtë martese. Nji djalë. Kështu ka deklarue gazetari Kastriot Myftaraj në televizionin “Vizion Plus” të Tiranës.
I ftuem në emisionin informative “ZIP” të mëngjesit në televizionin “Vizion Plus”, Myftatraj ka folë për fenomenin Silvio Berlusconi dhe reflektimet e tij në jetën publike në Shqipni. Mes tjerash, Myftaraj ka thanë se rasti i Berlusconit në Itali nuk asht i vetmi në botë, mirëpo në Shqipni rastet si ai, media thuejse nuk i prekë. Myftaraj tha se artikujt, librat dhe dokumentarët që i thonë të vërtetat për politikanë si Berlusconi, Dominique Strauss-Kahn, Jacques Chirac etj, janë botue në Itali apo në Francë qysh në vitet 60, ndërsa në Shqipni gazetarët nuk i thonë këto gjana.
Tue folë për berluskonizmin si fenomen në politikë, Myftaraj tha se shembulli i Italisë po tregon se gjithcka bahet vetëm për vota. “Edhe në Shqipni, cilido politikan që ta aplikojnë këtë mënyrë të sjelljes ka me i ba nja 200.000 votues” – ka thanë Myftaraj. Ai argumentoi se ka nji kategori të madhe njerëzish që tërhiqen prej berluskonizmit, njerëz që nuk janë as të majtë e as të djathtë.
Tue folë për rastin e Shqipnisë, Myftaraj tha se tanë gazetarët i dinë sjelljet e tilla në radhët e politikanëve në Shqipni, por kurrkush nuk i thotë. “Tanë gazetarët e dinë se nji politikan i naltë në Shqipni ka nji fëmijë jashtë martese. E nëse ju doni, unë mundem me ua thanë” i asht drejtue ai moderatorëve të emisionit në “Vizion Plus”. E kur njeni prej moderatorëve ka thanë se kjo mbetet në vullnetin e Myftarajt, ai nuk ka hezitue me e nxjerrë emnin e presidentit të Shqipnisë. “Presidenti i Shqipnisë, Bamir Topi e ka nji fëmijë jashtë martese. Nji djalë” – ka thanë Myftaraj.
Qysh se asht zgjedhë në krye të vendit, në verën e vitit 2007, presidenca e z.Topi asht shoqnue me sulme të gjithanshme edhe prej vetë Partisë Demokratike nënkryetar i të cilës qe deri atëherë. Z. Topi asht kritikue gjithashtu disa dekorime, si dhe mosdektretime ligjesh të qeverisë, por sulmi ma i fundit ndaj tij u udhëhoq prej kryetares së Parlamentit, Jozefina Topalli, me rastin e nji deklarate të Topit për mënyrën se si Topalli e flet gjuhën.
Tue iu referue web-it president.al, Presidenti i Shqipnisë asht i martuem, dhe ka dy vajza.
Nji ditë ma parë, presidenti i Shqipnisë, bashkë me Zonjën e Parë, i banë urimet e tyne për mbarsi e  harmoni me rastin e Kurban Bajramit.
Në fillim të qershorit 2011, presidenti Bamir Topi pat dekretue ligjin e paraqitun prej qeverisë “Për ratifikimin e konventës së Këshillit të Europës “Për statusin juridik të fëmijëve të lindun jashtë martese”.

Në Rrokum TV
DIPLOMACIA NË UDHËKRYQ