Rrokum HD

VIDOVDAN - shkak i incidentit n’Merdare

28 Qershor 2012 - 10:41
VIDOVDAN -  shkak i incidentit n’Merdare



Ma shumë së gjashtë policë janë lëndue sot n’incidentin që ka ndodhë n’Merdare, kur nji grup serbësh kanë hy me dy autobusa prej Mitrovicës  veriore.

Ata kanë depërtue n’Merdare dhe kanë nisë me ofendue dhe sulmue Policinë e Kosovës, njofton gazeta proqeveritare “Express”.

Në mesin e policëve të lenduem asht edhe komandanti i Policisë së Kosovës për rajonin e Podujevës, Isa Ejupi.

Zadhanësi i Policisë së Kosovës, Baki Kelani tha se “ky grup, që kaloi nga Mitrovica e Veriut në jug dhe mandej  në Vushtrri, kanë bartë fanella me mbishkrime provokuese dhe kanë fillu me sulmue policinë.

“Express” njofton se Qendra Klinike Universitare konfirmon se nga ky incident janë lëndue ma shumë së gjashtë policë të Kosovës.

Këtë vit, komuniteti serb shenon 623 vjetorin e Betejës mesjetare të Kosovës, e cila ndryshe njihet në radhët e këtij komuniteti si “Vidovdan”. Aty ishin nisë.



 

Në Rrokum TV
ZGJIDHJA E PROBLEMIT TE PENISONEVE NË KOSOVË