Rrokum HD

‘Camorra’ e ‘Ndrangheta’, drogë nga Shqipnia

09 Korrik 2012 - 08:33
‘Camorra’ e ‘Ndrangheta’, drogë nga Shqipnia



 

Dy nga organizatat për mbrojtjen e qytetarëve që veprojnë n’Itali kanë publikue para disa dite vëzhgimin për rritjen e kriminalitetit në zonën Abruzzo, ku bie në sy fuqizimi i ndjeshëm i organizatave kriminale shqiptare, të cilat simbas raportit bashkëpunojnë dhe me dy prej organizatave mafioze “Camorra” dhe “Ndrangheta”.



“Sot, Abruzzo nuk ka nji organizatë të veten kriminale, si në disa zona t’Italisë, por aty janë të pranishme nji serë organizatash kriminale, si nga jugu i Italisë, ashtu edhe nga jashtë vendit, të cilat në shumicën e rasteve janë në konflikt mes tyne për territoret dhe zonat e trafikut. Me kalimin e viteve, kjo gjendje ka krijue nji urë me mafian e jugut të Italisë, por në disa raste grupet kanë krijue dhe autonominë e tyne, tue qenë në gjendje me drejtue trafiqe ilegale, nëpërmjet lidhjeve me organizatat e hueja, si “Mafia Shqiptare”, – shkruhet në raportin e organizatave “Codici Abruzzo” dhe “Adiconsum Abruzzo”, njofton Balkanweb e Tiranës.



Në raportin e publikuem thuhet se nji prej rrugëve kryesore të trafikut të drogës në Abruzzo asht ajo e Shqipnisë, edhe pse ka nji dorë rrugësh tjera si nga veriu Italisë, Lazio e Lombardia. Rruga e Shqipnisë asht veçue nga të tjerat dhe asht në kontroll të familjeve të zonës, mes të cilëve dallohen romët. Ata me kohë kanë arritë me u strukturue si nji organizatë e vërtetë kriminale, tue mbërri me kontrollue nji pjesë të madhe të tregut të drogës n’Abruzzo. Në disa raste, romët janë ndërmjetës të “Camorra” dhe “Ndrangheta” për furnizimin me drogë nga Shqipnia.



 

Në Rrokum TV
BOTA NE FOTO, VIDEO E NUMRA