Ramiz Kelmendi don me e ble Telekomin e Kosovës

Nji nga kompanitë ma të mëdhaja n’Kosovë, shpk. “ELKOS Group” nga Peja, asht kandidat potencial për privatizimin e 75% të aksioneve të PTK.

Kjo kompani, përmes nji komunikate ka njoftue opinionin kosovar se ka ambicie me qenë nji nga akcionarët ma të mëdhej të telekomit të Kosovës, me qëllimin që kjo kompani profitabile e Kosovës me mbetë në  duer të vendorëve.

“Mbas shqyrtimit të dokumentacioneve tenderuese me partnerat strategjik ndërkombëtar , bordi i kompanisë “ELKOS GROUP” mori vendim që së bashku me partnerat e saj ndërkombëtar me qenë pjesë e procesit të privatizimit të 75% të aksioneve të PTK. Ky vendim asht marrë tue synue të arrihet sukses për Kompaninë në fjalë dhe po ashtu për Kosovën. Nji sukses të tillë e ka arritë vetëm Kroacia në Ballkanin Perendimor, tue privatizue  TELEKOM’in Kroat dhe tue i rue  49% t’aksioneve nga Kompanitë vendore”, thuhet në një njoftim të kësaj kompanie.