Rrokum HD

Gjendet i vdekun Ali Podrimja, Lahutari i Kosoves

21 Korrik 2012 - 17:20
Gjendet i vdekun Ali Podrimja, Lahutari i Kosoves

Autoritetet shtetnore franceze i kanë përcjellë ministrit të jashtëm, Enver Hoxhaj, lajmin e randë se e kanë gjetë trupin e pajetë të poetit kosovar, Ali Podrimja, n’Francë.

“Humbja e poetit me renome ndërkombëtare Ali Podrimja, asht nji humbje e madhe jo vetëm për familjen dhe miqtë e panumërt të tij, por nji humbje e jashtëzakonshme edhe për kulturën dhe artin kosovar, shqiptar e më gjanë. Kujtimi i poetit Ali Podrimja ka me qenë gjithmonë i gjallë në mesin tonë dhe ka me shërbye si figurë motivimi për brezat e ardhshëm të Kosovës”, thuhet në telegramin e ngushëllimit të ministrit Hoxhaj.

Poeti Ali Podrimja ka humbë kontaktet me kolegët dhe miqtë e familjarët e tij nga data 18 Korrik, në kohën kur po qëndronte në Francë në kuadër të festivalit të poezisë “Voix de la Méditerranée”, në qytetin e Lodeve.

Autoritet franceze po punojnë në zbardhjen e plotë të rrethanave të humbjes së jetës së poetit Ali Podrimja.

Presidentja Atifete Jahjaga në telegramin e ngushëllimit drejtue familjesë Podrimja, thekson se e ka marrë me dhimbje të thellë e trishtim lajmin për vdekjen e poetit e intelektualit të madh, Ali Podrimja.

“Humbja e Ali Podrimjes nuk asht humbje vetëm për familjen, të afërmit e miqtë. Asht humbje e madhe për të gjithë qytetarët e Kosovës, për kulturën, për artin, për Kosovën në përgjithësi.

Poeti e intelektuali i madh Ali Podrimja, me fjalët dhe veprat e tij, kaloi shumë herët kufijtë e Kosovës dhe u ba i njoftun në rrethe shumë ma të gjana të artit dhe të kulturës...", thuhet në telgramin e Jahajgës.

Në telegramin e ngushëllimit të kryeministrit Hashim Thaçi thuhet:
”Vdekja e poetit Ali Podrimja asht humbje e madhe për familjen, për kulturën kombëtare".

Familjen e ngushllon edhe kryetari i Kuvendit të Republikës së Kosovës, Jakup Krasniqi,  Ministri i Kulturës Memli Krasniqi si dhe kryetar i LDK, Isa Mustafa.


Në Rrokum TV
KOSOVA PJESE E KONGRESIT BOTNOR TE VALLEZIMIT (23. 10. 2014)