Rrokum HD

Ban Ki-moon i shqetesuem per veriun

24 Korrik 2012 - 19:25
Ban Ki-moon i shqetesuem per veriun

“Ma s’pari duhet me ndodh implementimi i marrëveshjeve që janë arritë në Bruksel midis Kosovës dhe Serbisë e mandej të shikohen mundësitë e vazhdimit të dialogut”, ka thanë kryeministri Thaçi në konferencën për media mbas takimit me Sekretarin e Përgjithshëm të OKB, Ban Ki-moon

Kryeministri i Kosovës, Hashim Thaçi bashkë me zv/ministrat Behgjet Pacolli, Hajredin Kuçi , Slobodan Petrovic dhe ministri i Punëve të Jashtme Enver Hoxhaj ka pasë takim të veçantë me Sekretarin e Përgjithshëm të OKB, Ban Ki-moon.

“Asht vizitë jashtëzakonisht e randësishëm dhe historike për Republikën e Kosovës, asht vizita e parë që ndodh prej nji sekretari të Përgjithshëm të OKB në shtetin e pamvarur dhe sovran të Kosovës. Asht mesazh i mbështetjes së progresit të Kosovës”, tha Thaçi.

Nga ana e tij, Sekretari i përgjithshëm i OKB, Ban Ki-moon, ka shpreh shqetësimin e tij për situatën në veri dhe përshkallëzimin e tensioneve në këtë pjesë të vendit gjatë vitit të kaluem. “Asht thelbësore që çashtja e ndjeshme dhe komplekse në raport me veriun e Kosovës të zgjidhet përmes dialogut paqësor". Ki-moon këtë mendim e kishte shpreh jo vetëm në takim me kryeministrin Thaçi dhe me presidenten Jahjaga, po edhe në Beograd ku ftonte për dialog dhe për kompromis në zgjidhjen e çashtjes së veriut.



 

Në Rrokum TV
ULQINI 2014 - DITA 5