Rrokum HD

Thaçi: Ndamja e Kosovës asht nji andërr që s’un realizohet

25 Korrik 2012 - 19:17
Thaçi: Ndamja e Kosovës asht nji andërr që s’un realizohet



N’intervistë për Deutsche Welle dhanë prej Brukseli, kryeministri i Kosovës Hashim Thaçi tha se ndamja e Kosovës asht nji andërr joreale. Ai i ka ftue serbët e veriut me u kthye kah Prishtina.



Thaçi foli edhe për dialogun Prishtinë-Beograd, por theksoi se pa përmbushjen e marrëveshjeve tashma të arrituna në Bruksel, s’un vazhdojmë me dialog.

“Kemi fillue tash dy vjet dialogun për çashtjet teknike. Kemi arritë disa marrëveshje dhe domosdoshmërisht duhet me fillue implementimi paraprakisht i të gjitha këtyne marrëveshjeve, para se të nisë dialogu për çashtje të tjera teknike. Pa fillimin e implementimit të këtyre marrëveshjeve, asnji lloj dialogu nuk mundet me pasë sukses”, tha Thaçi.

Ai tha se çashtja e statusit asht mbyll njiherë e përgjithmonë. Kosova asht vend sovran dhe i pamvarun, prandaj asht në interes të dy vendeve me u kthye kah Europa.

Në pyetjen e DW se Dacic ka thanë se ndryshimi i kufijve të Kosovës asht ideja ma e mirë, Thaçi u gjegjë tue thanë se ndamja e Kosovës “asht nji andërr e parealizueshme e kujtdo që flet. Ajo andërr e Beogradit asht shue vitin e kaluem me 25 Korrik, kur institucionet e Kosovës kanë marrë kontrollet e pikave kufitare. Kosova asht nji, asht unike, me integritetin territorial të paprekshëm, por edhe të njoftun ndërkombëtarisht. Kosova asht europiane dhe sa ma tepër që punojmë me standarde dhe model europian, asht në interesin e të gjithëve. Pretendimi për me ndryshue kufinin e Kosovës asht pretendim i rrezikshëm për të gjithë paqen dhe stabilitetin në rajon.

Thaçi ftoi qytetarët serbë në veri me pasë besimin te institucionet e Kosovës. “Ata janë qytetarët e Kosovës dhe une due me ju shërbye të gjithëve. Edhe në atë pjesë të Kosovës duhet me pasë rend dhe ligj, lëvizje të lirë, demokraci, zhvillim ekonomik. Mesazhet e mia janë mesazhet e së vërtetës për ta, ndërsa mesazhet e Beogradit janë mesazhe thjesht të rreme….”, tha mes tjerash për DW kryeministri Thaçi.

 

Në Rrokum TV
KOSOVA PJESE E KONGRESIT BOTNOR TE VALLEZIMIT (23. 10. 2014)