Bruce Springsteen: Në kulmin e suksesit kam mendue me vra veten

“The Boss”, Bruce Springsteen, zbulon për lexuesit e revistës së famshme “The New Yorker” se ka vuejt nga depresioni dhe ka mendue shpesh edhe me vra veten.

Springsteen rrëfen se asht kshillue 30 vjet rresht me nji psikoanalist, i cili e ka ndihmue me largue ndjesinë e keqe në krahnor dhe mendimet negative, thotë ai.

Bruce kallxon se mbas 30 vjet luftash me demonat e depresionit ka fitue ai dhe shprehet se asht nji çlirim i madh me jetue në paqe me veten tande.

“Bash në kohën kur përjetojsha sukses botnor, u përballa me shejat e depresionit. Kisha droe se mos po përfundoj si baba jem, i cili ishte gjithashtu nji njeri që ka vuejt nga depresioni. E kqyrsha babën t’izoluem e të rrxuem shpirtnisht dhe u tutsha se nji ditë edhe une muj me perfundue qashtu….”

“The New Yorker” konstaton se “The Boss” e ka fitue betejen për jetën dhe familjen tij. Grueja dhe nana e tre fëmive të Springsteen thotë se ai nuk asht ma nji njeri i izoluem, “jetojmë nji jetë familjare të qetë”, tha ajo.