Der Spiegel vlerëson shumë nalt filmin kosovar ‘Babai’

Gazeta gjermane me ndikim n’Europë “Der Spiegel” ka vlerësu nalt filmin kosovar “Babai”, me regjisor Visar Morinën, i cili ka jetu dhe studiu në Gjermani.

“Spiegel” përshkruen sesi nji babë don të marrë rrugë nga Kosova në Gjermani, por djali i tij nuk e lejon atë.

“Drama ‘Babai’ i Visar Morinës, nji gjermano-kosovar asht nji film debutues dhe mbresëlanës”, shkruen gazeta në kritikën e saj profesionale për filmin kosovar, që e percjellë Republika.info

 
Simbas gazetës, juria e Berlinalës, e cila ka përzgjedh dokumentarin “Fuocoammare” si fitues, ka tregu se tema e refugjatëve do të mbetet prezentë në shumë filma që do të prodhohen në t’ardhmen e afërt.

Gazeta ban nji përshkrim shumë pozitiv të filmit, tue e cilësu atë si nji dramë origjinale, e pa ekzagjerueme.

Der Spiegel shkruen edhe për regjisorin Morina, i cili ka përzgjedh nji material, që flet edhe për jetën e tij.
Në rrëfimin e tij, ai shfaq nji tregim të relacionit babë-bir, në rrethana shumë të vështira.

Filmi simbas gazetës do të ketë nji sukses në madh në debutimin nderkombëtar, për shkak të tematikës, narracionit, regjisë, por edhe të kualitetit të pamjeve.

 

Shperndaje në: