Çitaku në OKB: Kosova gati me i realizue krejt marrëveshjet e Brukselit

Ambasadorja e Kosovës në SHBA, Vlora Çitaku ka folë në Këshillin e Sigurimit të OBK’s ku po diskutohet për Raportin tremujor për Kosovën.
Çitaku fillimisht ka demantue Ministrin e Jashtëm serb, Ivica Dacic për ato që ka thanë paraprakisht, se nga Kosova janë largue 200 mijë serbë që nga mbaslufta dhe se nuk respektohen të drejtat e tyne.

Dacic kishte përmend se kanë shkue katër vjet e gjysë nga arritja e marrëveshjes në Bruksel, për krijimin e Asociacionit të Komunave me Shumicë Serbe.

“Kemi me i  realizue të gjitha marrëveshjet e arrituna në Bruksel”, ka qenë përgjigja e Çitakut, njofton Klan Kosova.

“Ka pas ngecje por përkushtimi asht aty”, ka shtue ajo.

“Kosova dëshiron proces i cili ka me çue deri te normalizimi i plotë i marrëdhanieve të dyja shteteve”.

 

Lexoni tekstin e plote

 

“Shteti nikoqir i këtij vitit të Asamblesë së Interpol nuk u ka lejuar anëtarëve të delegacionit të Kosovës të marrin vizat. Kjo ka bërë tërheqjen e aplikimit për këtë vit”.

“Vetëm dje në Kosovë pesë anëtarë të komunitetit jo shumicë janë graduar me grada të larta të FSK-së. Ushtria e Kosovës do të jetë moderne. Askush nuk do të ketë fuqi të vendosë veto mbi të”.

Më tej Çitaku ka folur sa i përket shtetësisë së Kosovës, që sipas saj është e pakontestueshme dhe e konfirmuar në organizma ndërkombëtar.

“Gjykata Ndërkombëtare e Drejtësisë ka konstatuar se Kosova nuk ka thyer asnjë ligj të drejtësisë ndërkombëtare. Derisa po i afrohemi dhjetë vjetorit të pavarësisë, kemi arsye për të qenë shumë krenar. Kosova ka bërë ngritje në të bërit biznes. Sportistët e kanë ngritur Kosovën në Olimpiadë, duke ngritur flamujt në vendet ku politika nuk ka mundur”, ka thënë ajo.

“Institucionet e Kosovës e kanë kaluar një rrugë të gjatë për të akomoduar të drejtat e komuniteteve jo shumicë. Komuniteti serb në qeverinë aktuale, përfaqësohet me zëvendëskryeministër, ministra dhe zëvendësministra. Pretendimi se 200 serbë janë të zhvendosur nga Kosova është e pasaktë, sikur kjo të ishte atëherë asnjë serbë nuk do të jetonte sot në Kosovë”.

“Sipas regjistrimit të vitit 1991, numri i serbëve ka qenë 194 mijë. Sot nuk dihet numri i serbëve që jeton në Kosovë. Është për të ardhur keq që një periudhë kur duhet ta përmbyllim dialogun me Serbinë, përfaqësuesit e saj vazhdojnë me deklarata me të gjitha llojet për ta rishkruar historinë”

“Madje duke zgjedhur Vukotiqin, kriminel lufte që të ligjërojë në akademinë ushtarake. Ky është një refuzim i rrezikshëm i së vërtetës për luftën. Është sikur ne të angazhojmë një hajn të ruaj bankat tona”, ka shtue Çitaku ndër të tjera.