Dukanovic kallxon planin e Rusisë për Malin e Zi

Kryeministri i Malit të Zi,Milo Đukanović ka deklarue se partitë e opozitës në vendin e tij janë tue u financue nga Moska për me bllokue integrimin e rajonit të Ballkanit në BE dhe NATO.

Rusia asht tue ba fushatë zgjedhore në Malin e Zi për me pengue progresin drejt anëtarësimit në Aleancën Veri-Atlantike, ka thanë Đukanović gjatë nji intervistë për “Reuters”, tri ditë para zgjedhjeve parlamentare.

Kryeministri tha se partitë e opozitës janë tue u financue nga Moska e cila me ç’mos  asht tue tentue me ndërhy në zgjedhjet parlamentare.

Simbas Reuters, konkurrentët serioz që Đukanović ka në këto zgjedhje, të planifikueme për këtë javë, janë dy aleancat e opozitës të cilat janë pro-serbe.

Avantazhet ma të forta të opozitës kundër tij, simbas Reuters, janë akuza që kryeministri ka përdor taktikat e frigësimit, nepotizmit.