Edi Rama, qe qysh e sheh zgjidhjen për ‘Drejtësinë’

edirama

Mbas takimeve intensive që pati sot në zyrën e tij me kreun e Kuvendit Ilir Meta dhe ambasadorët Donald Lu dhe Romana Vlahutin, kreu i qeverisë Edi Rama mbajti nji konferencë për mediat ku tha se ekziston mundësia për me gjetë nji zgjidhje n’arritjen e kompromisit të plotë me opozitën.

“Lajmi i mirë asht se PD i ka braktis tana pozicionet e veta të maparshme.

2/3 që deri dje kërkonin nuk i ban ma punë dhe duen vende të rezervueme, sepse simbas tyne opozita duhet me mbrojtë sistemin nga kapja. Na i kemi ofrue 2/3 si nji kufi ekstrem kompromisi, të bindun se s’ka perëndimi që e kap sistemin me nji shumicë të tillë kur opozita ka pjesën e saj.

Na nuk na intereson kapja, por shembja e sistemit aktual dhe partitë të mos kenë asnji shteg për me i zanë rrugën këtij projekti transformimi.

Nuk e përjashtoj mundësinë e nji zgjidhje që e përfshin opozitën në këtë reformë dhe ma tej, e mbi të gjitha nuk ka qenë qëllim i hartuesve të draftit, dhe as qëllimi ynë të përjashtojë opozitën nga vendimmarrja.

Jam i bindun që kjo zgjidhje mund të gjendet, nëse PD do vërtet zgjidhje për këtë pike dhe nëse kjo asht e vetmja që e ndaj PD’n nga kartoni jeshil për reformën.

Nëse pika asht nji rreth kjo pikë, ky rreth ka dy gjysa të ndame me nji vije të kuqe për neve”, tha Rama.