Edi Rama thotë se deklaratat e Sali Berishës kallxojne se ai nuk e don reformën në drejtësi

Për Kryeministrin shqiptar Edi Rama, nuk ka ma asnji dyshim se deklarata e së Ejtes e Sali Berishës, ku bani thirrje për armatosjen e qytetarëve kundër Qeverisë, e radhit ish-Kryeministrin në atë që e quejti kastë politikanësh, prokurorësh e gjyqtarësh që nuk e duen reformën në drejtësi.

E enjtja është bërë dita e veçantë e sebepeve për të shtyrë dhe zvarritur reformën në drejtësi. Sa më shumë rritet presioni i reformës nga publiku dhe ndërkombëtarët, aq më shumë rriten tensionet në Kuvend, sa më shumë ngushtohet rrethi për ata që i tremben reformës, aq më shumë shtohet politika kriminalizuese e PD. Edhe deklarata i shërben kësaj fryme, për të krijuar një atmosferë sa më të rëndë që të justifikojnë braktisjen e reformës”, deklaroi Kryeministri.

Rama e ka veç nji shqetësim nga deklarata e Berishës.

Saliu nuk ka asgjë në dorë, e vetmja gjë që ka në dorë është inferioriteti absurd në SHQUP, prandaj askush nuk duhet të shqetësohet dhe të marrë seriozisht që nën thirrjen e Saliut gjithkush të marrë sërish armët, por duhet të shqetësohet për reformën në drejtësi”, tha Rama.

Në nji dalje mediatike nga selia e Qeverisë, Kryeministri foli për nji plan të opozitës për me kundërshtue reformën.

Nëse shohim këto muaj, do të shohim që është pjesë e një plani që nga vezët deri tek lodrat. Janë shprehje e një fakti të thjeshtë që plani është i dëshpëruar, ata që duan ta vënë në jetë janë të dëshpëruar. Saliu nuk e do reformën dhe as PD nuk mund ta dojë reformën”, deklaroi Rama.

Arsyeja që Berisha nuk e do reformën, simbas Ramës asht se ajo hap rrugën për shembjen e kastës së politikanëve, prokurorëve dhe gjykatësve që jetojnë jashtë kufijve të ligjit në Shqipni.

Saliu është njëri prej tyre, është tipiku ndaj bie më shumë në sy”, u shpreh ai.

Ajo që ka trazue opozitën dhe ashpërsue fjalorin e saj, mendon Rama, asht vizita e tij në Washington dhe mesazhi i marrë prej Shtëpisë së Bardhë.

Saliu e di më mirë nga të gjithë kuptimin e plotë të mesazhit të Shtëpisë së Bardhë, ashtu siç e di shumë mirë që mesazhet e Shtëpisë së Bardhë nuk janë rregullat e Kuvendit që i shkel e nuk i ka respektuar asnjëherë”, tha ai.

Në fund mesazhi i Ramës ishte i qartë.

Reforma do të kalojë, ajo që mbetet për t’u mësuar është se me çfarë çmimi!”.