Presidenti Thaçi: Në Kongresin e Vjenës fola për randësinë e anëtarësimit të Kosovës në BE

Presidenti i Kosovës, Hashim Thaçi, gjatë ditës qëndroi në Vjenë, me ç’rast ka mbajtë fjalim në Kongresin e Lëvizjen Paneuropiane aty. Përmes nji postimi në Facebook, Thaçi, ka kallxue që këtu ka folë për randësinë e anëtarësimin të Kosovës në Bashkimin Europian.

Ky asht postimi i plotë i Presidentit Thaçi:

“Sot u ftova të mbaj fjalim në Kongresin e Lëvizjes Panevropiane në Vjenë. Poashtu isha edhe në një panel me presidentët e rajonit, ku kam folur për perspektivën tonë europiane. Kontinenti i Evropës nuk është i kompletuar dhe nuk mund ta realizojë potencialin e saj në aspektin e sigurisë, në mirëqenie dhe në vlera, nëse Ballkani Perëndimor mbetet jashtë saj. Anëtarësimi në BE ka mbështetjen e 95 për qind të popullit të Kosovës. Prandaj, është e rëndësishme që BE-ja të mbetet e fokusuar në këtë pjesë të kontinentit dhe të sigurojë zgjerimin e mëtutjeshëm. Kujtova edhe mikun e vjetër të Kosovës, Otto Von Habsburg e ndjerë, lider i Lëvizjes Paneuropiane për shumë vjet, i cili ka bërë çmos që zëri i Kosovës në Europë të dëgjohet edhe në kohërat e vështira”.

14573021_1200136333390057_5065885804899252941_n