Reagon VV: Sylë Hoxha gaboi, raporti i autopsisë asht jokredibil

Lëvizja Vetëvendosje ka reague mbas raportit të autopsisë për Astrit Deharin. Kryeprokurori i Themelores së Prizrenit, Sylë Hoxha në nji konferencë për gazetarë konfirmoi se i ndjeri kishte krye vetvrasje.

LVV nëpërmjet nji njoftimi thotë se ekspertët e mjekësisë ligjore që i ka angazhue familja, Dr.Besim Ymaj dhe Dr.Besim Latifaj, kanë qenë të pranishëm gjatë obduksionit, por nuk janë ftue për me thanë fjalën e tyne dhe nuk ju janë dhanë materialet bazë e provat, madje as fotografitë me ngjyra.

Reagimi i plotë:

SYLË HOXHA KONSTATOI PA U KRYER HETIMET – RAPORTI I AUTOPSISË ËSHTË JOKREDIBIL

Sot, avokati i familjes, z. Tomë Gashi, e ka marrë Raportin e Autopsisë. Aty konfirmohet se Astrit Dehari ka vdekur nga asfiksia mekanike, nga bllokimi i rrugëve të sipërme të frymëmarrjes nga mjeti i fortë.

Kryeprokurori z. Sylë Hoxha doli në konferencë shtypi me konstatime ende pa u bërë e pa u kryer hetimet.

Ekspertët e mjekësisë ligjore që i ka angazhuar familja, Dr.Besim Ymaj dhe Dr.Besim Latifaj, kanë qenë të pranishëm gjatë obduksionit, por nuk janë ftuar për të thënë fjalën e tyre dhe nuk u janë dhënë materialet bazë e provat, madje as fotografitë me ngjyra.

Në këtë Raport nuk shpjegohen lidhjet shkencore e logjike midis konstatimeve të shkakut të vdekjes (asfiksisë) dhe shkaktarit të vdekjes (dëmtime të vetëshkaktuara “hezituese”). Raporti është dhe konkluzioni i tij mbi shkaktarin e vdekjes është i pabesueshëm.

Do të nevojiten disa ditë që Dr.Besim Ymaj e Dr.Besim Latifaj ta analizojnë këtë Raport të Autopsisë dhe ta thonë mendimin e tyre, bazuar edhe në shënimet e tyre të vëzhgimit të obduksionit.