Rrezja e veprimit të raketave ruse përfshin krejt Europën

Para shpërthimit të krizës siriane dhe asaj ukrainase, rrezja e veprimit të raketave ruse të vendosuna në Kaliningrad ishte modeste, por me përshkallëzimin e tensioneve me Perendimin, kjo rreze asht zgjanue dhe tashma përfshin thuejse krejt Kontinentin e Vjetër.

Bahet fjalë për përforcimet ushtarake që Moska ka krye në eksklavën e vet në Detin Balltik.

Washington Post ka publikue disa harta që kallxojnë shumëllojshmëninë e raketave ruse të stacionueme në rajon dhe rrezen e tyne të veprimit.

Raketat S-400 tokë-ajër kapin shpejtësi ma të madhe se zani dhe përdoren kryesisht për mbrojtje. Rrezja e veprimit asht rreth 300 kilometra.

Raketat Kalibër kanë nji rreze veprimi deri në 1600 kilometra dhe aftësinë që të mbartin mbushje bërthamore.

Iskander-M, janë bateri raketore të lëvizshme, të vështira për m’u lokalizue dhe nji saktësi marramendëse. Janë në gjendje të mbartin mbushje bërthamore dhe godasin në nji rreze deri në 420 kilometra.