Serwer: Veprimet e VV’s në Kuvend janë të papranueshme në nji shoqni demokratike

Situata politike në Kosovë asht dominue këto kohë nga veprimet e dy faktorëve të mbrendshëm, që po i bajnë sfidë kushtetutës së vendit, ka thanë analisti Daniel Serwer.

Ai ka ba me dije se veprimet e Vetëvendosjes në Parlament janë të papranueshme në nji shoqni demokratike.

“Njani asht nji grup i popullsisë serbe që nuk e pranon Kushtetutën e shtetit, veçanërisht në Veri. Forca tjetër asht Vetëvendosja që do bashkimin me Shqipninë. Dhe, asht shumë e vështirë të përballesh me të, sepse nuk ka hezitue të përdorë dhunën për të arritë synimet e veta, madje edhe mbrenda parlamentit dhe kjo për mue asht shumë përtej asaj që duhet të lejohet në nji shoqni demokratike”, ka thanë ai për Zanin e Amerikës.