Thaçi me shqiptarët e Canadasë, shpërndanë abetaren shqipe!

Presidenti i Kosovës, Hashim Thaçi asht shpreh i nderuem për pjesëmarrje në pritjen e organizueme nga shoqatat e komunitetit shqiptar nga rajoni i Torontos në Canada.

Thaçi përmes nji postimi në Facebook ka theksue se i ka garantue atij komuniteti se do të kenë vëmendjen e plotë të institucioneve të Republikës së Kosovës dhe se ata do të jenë ura e jonë lidhëse me Canadanë.

Ai ka thanë se u ka shpërnda brezave të ri abetaren shqipe.

 

Ky asht postimi i plotë i Thaçit:

 

Mbrëmë pata nderin të marrë pjesë në pritjen e organizuar nga shoqatat e komunitetit shqiptar nga rajoni i Torontos në Kanada. I falënderova nga afër bashkatdhetarët tanë për kontributin e tyre të jashtëzakonshëm ndër vite dhe i përgëzova për integrimin e tyre në jetën sociale, ekonomike e politike të Kanadasë.

U ndjeva krenar për të arriturat e tyre të cilat u konfirmuan edhe nga Ministrja e Ontarios për Shtetësi dhe Imigrim, znj. Laura Albanese, nga Kryetarja e Bashkisë së Mississaugas, znj. Bonnie Crombie, si dhe nga deputetë të Parlamentit të Ontarios.

Komunitetin tonë e garantova se do të kenë vëmendjen e plotë të institucioneve të Republikës së Kosovës dhe se ata do të jenë ura jonë lidhëse me Kanadanë. Gjithashtu, falënderova edhe qeverinë dhe popullin kanadez për mbështetjen e madhe gjatë periudhës së luftës më ‎1998 – 1999, për kontributin në kuadër të KFOR-it dhe për përkrahjen për pranimin e Kosovës në organizata ndërkombëtare.

Me rastin e fillimit të vitit të ri shkollor, për brezat e rinj shpërndamë edhe Abetaren tonë shqipe.

Me pjesëmarrësit e pritjes kalova çaste të këndshme. HTH

 

2-thaciiii

 

3-thaciiiii

 

4-thaciiii

 

5-thaciiii