Turqi, Parlamenti miraton marrëveshjen për normalizimin e marrëdhanieve me Izraelin

Turqia ka vendosë me ba zyrtare normalizimin e marrëdhanieve me Izraelin me anë të nji marrëveshje të ratifikueme nga Parlamenti turk.

Parlamenti i ka dhanë fund kështu mosmarrëveshjes diplomatike prej gjashtë vjetësh midis dy ish-aleatëve në rajon, njoftoi sot agjencia zyrtare turke e lajmeve “Anadolu”.

Në përputhje me këtë marrëveshje përafrimi e arritun në fund të muejit Qershor midis dy vendeve dhe e miratueme dje në mbramje nga ana e deputetëve, Izraeli ka me damshpërblye Turqinë me nji fond prej 20 milionë dollarësh.

Turqia nga ana e saj ka pezullue ndjekjet penale kundër ish-krenave të ushtrisë izraelite për përfshimje në sulmin e nji anije ku mbetën të vramë 10 ushtarakë turq në vitin 2010 në brigjet e Gazës.

Në vitin 2014, nji Gjykatë Penale e Stambollit urdhnoi arrestimin e katër ish-zyrtarëve ushtarakë izraelitë si dhe ish-Shefin e Shtabit të Përgjithshëm, Gjeneralin Gabi Ashkenazi gjykue në mungesë prej vitit 2012 në Turqi.

Së fundi ministri turk i Punëve të Jashtme, Mevlüt Cavusoglu njoftoi se ratifikimi i marrëveshjes nga ana e Parlamentit turk ka me vazhdue me shkëmbimin e trupave diplomatike në rang ambasadorësh.

Paraqitja e këtij teksti në Parlament u shty për shkak të grushtit të dështuem të shtetit më 15 Korrik në Turqi që kompromentoi stabilitetin e autoritetit të presidentit Recep Tayyip Erdogan.

Përmirësimi i marrëdhanieve mes dy shteteve u ba tue u nis edhe nga fakti se janë aleatë të vjetër mjaft të afërt prej shumë kohësh në rajon në planin ekonomik kryesisht në tregti dhe hidorkarbure si dhe atë strategjik.