Haradinaj e merr nji telegram urimi nga Kongresmenët amerikan (foto)

Kryeministri i Kosovës, Ramush Haradinaj ka marrë telegram urimi për marrjen e përgjegjësive të reja nga Kongresistët Eliot Engel dhe Edward Royce, anëtarë të Komisionit për Punë të Jashtme në Kongresin Amerikan.

 

Lexoni urimin e plotë

 

Shkëlqesisë së tij Ramush Haradinaj

Kryeministër i Republikës së Kosovës

I nderuar zoti Kryeministër, 

Ju lutem pranoni urimet tona më të përzemërta me rastin e marrjes së detyrës si Kryeministër. Kemi përcjell përparimin e Kosovës për disa vite me radhë dhe jemi shumë të kënaqur që marrëdhëniet mes dy vendeve tona vazhdojnë të jenë të fuqishme.

Në javët dhe muajt e ardhshëm, presim me padurim që të punojmë me qeverinë tuaj për të rritur mirëqenien e qytetarëve të Kosovës dhe për të thelluar lidhjet SHBA-Kosovë.