Mustafa: Qeveria ka arritë sukses historik

Kryeministri në detyrë i Kosovës, Isa Mustafa, nëpërmjet nji statusi në rrjetin social Facebook, ka komentue miratimin e pakos fiskale 2.0.

Ai ka thanë se me dy pakot fiskale, ka me u fuqizue sektori privat, tue pretendue se Qeveria që ai drejton ka arritë sukses historik në ekonomi.

Statusi i Mustafës:

Miratuam sot Pakon Fiskale 2.0 me mbi 20 masa të reja të politikave fiskale, të cilat do të kenë impakt të madh konkret në të bërit biznes, duke fuqizuar sektorin privat si shtyllë kryesore e zhvillimit të vendit.
Qeveria jonë, përmes dy pakove fiskale, reformave thelbësore dhe në dialog të vazhdueshëm me bizneset, ka shënuar progres historik në ekonomi, duke arritur rritjen më të madhe në rajon, duke rritur investimet e huaja, me Buxhet mbi 2 miliardë euro dhe rezultate të tjera për të cilat kemi marrë vlerësimet më të larta nga institucionet më kredibile globale.
Vendimet e mëdha për vendin nuk janë fjalë që thuhen fushatave paraelektorale për të arsyetuar veprimet amatoreske në politikë, por veprime konkrete reformuese që sjellin rezultate të prekshme për shtetin, për ekonominë, për bizneset dhe për qytetarët. ✌️🇽🇰