Rrëfimi emocionues i Lenjanit për fmininë e tij!

Mesfushori i Kombëtares së Shqipnisë Ermir Lenjani ka ba nji rrëfim emocionues tue kujtue fmininë dhe andrrat e tij.

Lenjani ka falënderue tifozët për mbështetjen e ofrueme tue theksue se Kombëtarja kuqezi ka ba andrrën realitet të përfaqësimit në ‘Euro 2016’.

Rrëfimi i plotë i Ermir Lenjanit në Facebook:
“Kam qenë i vogël por kam pasur shumë ëndrra. Ëndrra më e madhe e imja dhe e familjes time ishte që një ditë të jemë pjesë e Kombëtares së Shqipërisë, pasi gjithmonë i shikoja ndeshjet dhe thoja me vete, duhet të punojë shumë dhe ta veshi këtë fanellë të shenjtë. Tani kjo ëndërr u bë realitet, un jam pjesë e Shqipërisë, kam dhënë kontribut për Shqipërinë, kam përjetuar gjithçka dhe jam krenar që kam veshur këtë fanellë. Kemi arritur gjëra të mëdha së bashku me ju tifozë, kemi realizuar ëndrrën shekullore duke luajtur në evropian dhe treguam se kush jem. Është emocionuese për mua kjo aventurë, pasi nuk do të harrohet kurrë në jetën time. Dua të ju falënderoj të gjithëve për mbështetjen e madhe që ma keni dhënë mua dhe gjithë Kombëtares shqiptare. Shqipërinë e kemi dashur, e duam dhe do ta duam përgjithmonë. Jam krenar që barti këtë fanellë dhe përfaqësoj këtë popull të shenjtë. #EL3”