Dështimi në INTERPOL, qe kujna ja len fajin Qeveria

Qeveria e vendit ka reague mbas dështimit të anëtarësimit të Kosovës në INTERPOL.

Përmes nji reagimi për media, Qeveria shpreh zhgënjimin e saj qe Kosovës i asht pamundësue me qenë pjesë e familjes botnore të Policisë, qe lufton krimin transnacional.

Simbas Qeverisë së Kosovës, fushata e egër e Serbisë, dëshmoi edhe njiherë karakterin e saj kundër Kosovës dhe idesë për normalizim te raporteve.

 Ky asht reagimi i plotë:

Sot, Asambleja e Përgjithshme e INTERPOL-it, në sesionin e saj të 87-të votoi kundër anëtarësimit të Policisë së Kosovës në këtë organizatë.

Qeveria e Republikës së Kosovës shpreh zhgënjimin e saj të thellë që Kosovës i është pamundësuar të jetë pjesë e familjes botërore të Policisë, që lufton krimin transnacional.

Fushata e egër e Republikës së Serbisë dëshmoi edhe njëherë karakterin e saj kundër Kosovës dhe kundër idesë për normalizim të raporteve me Republikën e Kosovës, aq më parë, kur ky anëtarësim ishte teknik dhe jo politik.

Votimi kundër pranimit të Kosovës në këtë organizatë ndërkombëtare i bën shërbim vetëm krimit dhe kriminelëve dhe askush nuk do të duhej t’i gëzohej këtij fakti.

Qeveria e Republikës së Kosovës, falënderon të gjitha shtetet që votuan për, si dhe të gjithë ata që u përpoqën ta ndihmojnë Kosovën në këtë proces të rëndësishëm.

Kosova do të vazhdojë konsolidimin e institucioneve të saj dhe në një të ardhme shumë të afërt do të jetë edhe anëtare e plotë e INTERPOL-it.

Shperndaje në: