Prokuroria Speciale: Fotografia nga Brovina u nxjerr nga interneti, s’ka të baj me dhunë seksuale gjatë luftës

Prokuroria Speciale e Republikës së Kosovës (PSRK), njofton opinionin publik se mbas paraqitjes së fotografisë nga deputetja, Flora Brovina, asht hapë hetimi bazue në pohimin e saj se kjo fotografi dëshmon dhunimin e nji grueje nga ushtarët serbë gjatë luftës në Kosovë.

Në njoftimin për media, thuhet se, “fotografia në fjalë është dërguar për ekspertizë në Agjencinë e Kosovës për Forenzikë, e cila ka konstatuar se fotografia e paraqitur nga deputetja, Flora Brovina, është e printuar në format A4 kolor dhe nuk ka asnjë të dhënë, e cila kishte mundësuar hulumtimin e origjinës së fotografisë dhe nuk ka asnjë shenjë nga është printuar.

Kjo fotografi është krahasuar me një fotografi tjetër të siguruar nga interneti dhe u konstatua se në të dy fotografit është paraqitur ngjarja e njëjtë.

Bazuar në të dhënat nga ekspertiza dhe provat tjera të nxjerra gjatë hetimit, Prokuroria Speciale e Republikës e Kosovës ka konkluduar se ngjarja nga fotografia e paraqitur nga deputetja Brovina, është nxjerr nga interneti dhe nuk ka të bëjë me ndonjë rast të dhunës seksuale gjatë luftës në Kosovë”.

Shperndaje në: