Haradinaj e Ahmeti nënshkruejnë Memorandum Bashkëpunimi për projektin ‘Prishtina e Re’

Qeveria e Kosovës dhe Komuna e Prishtinës sot kanë nënshkrue nji Memorandum Bashkëpunimi për “Prishtinën e Re”.

Kryeministri i Qeverisë së Kosovës, Ramush Haradinaj, dhe kryetari i Komunës së Prishtinës, Shpend Ahmeti, sot kanë nënshkrue nji Memorandum Bashkëpunimi për “Prishtinën e Re”, si dhe projekte të tjera me shumë randësi në kryeqytet.

Me këtë rast, Haradinaj tha se mbas ligjit për kryeqytetin, qeveria ka vazhdue me bashkëpunim me Komunën e Prishtinës edhe për projektin e madh “Prishtina e Re”.

Ai theksoi se sot janë tue shënue ngjarjen ma të madhe në historinë me projektin e “Prishtinës së Re”.

Sot jemi duke shënuar ngjarjen më të madhe në historinë tonë të re, e cila i ka fillet e saj 20 vite përpara për bartjen e institucioneve, diku në Hajvali. Pas 20 viteve projekti i ‘Prishtinës së Re’ po merr jetë. Më 25 qershor jam autorizuar për nënshkrimin e memorandumit me kryetarin, që nënkupton që jemi palë e këtij projekti të madh që është në interes të qytetarëve. Kam besim në kapacitetin e komunës, dhe të gjitha kapacitet e ekzekutivit do të jenë në përkrahje të këtij projekti. 64 hektarë janë pronë komunale, 136 hektarë janë pronë shoqërore, 137 janë pronë e shoqërisë. Ora ka filluar të trokas për këtë projekt dhe ia kemi dorëzuar komunës së Prishtinës. Kam dëshirë që historia të na mbaj mend për ‘Prishtinën e Re’ “, ka thanë Haradinaj.

Ndërsa, kryetari i Prishtinës, Shpend Ahmeti, tha se projekti i madh për “Prishtinën e Re” asht vizioni i së ardhmes me hekë presionin nga qendra e Prishtinës.

“Vitin e kaluar kemi pasur një kërkesë të jashtëzakonshme për ndërtime, dhe është diskutuar kalimi i pjesë administrative për ‘Prishtinën e Re’. Kemi arrit që pas disa muajsh negociatash që projekti i zgjerimit të ‘Prishtinës së Re’ të bëhet në koordinim të plotë me Qeverinë e Kosovës. Çdo hap do ta bëjmë bashkë dhe çdo gjë do të jetë transparente”, ka thanë ndër të tjera Ahmeti.

Shperndaje në: