Veseli: Askush s’ka të drejtë me manipulue me statutin e luftarit të UÇK’s

Ka përfundue mbledhja e sotme e Kryesisë së Kuvendit, ndërsa kryeparlamentari Kadri Veseli, ka ba të ditun se në të janë trajtue disa çështje, të cilat kanë të bajnë me zhvillimet në Parlament.

Veseli po ashtu ka komentue edhe çashtjen e listave të manipulueme të veteranëve për të cilën u zotue se nuk ka me lejue me u keqpërdorë statuti i luftarit të UÇK’s.

”Kemi trajtuar një sërë çështjesh që kanë të bëjnë me punën e Kuvendin. Ushtria Çlirimtare e Kosovës është vlerë e kombit tonë, statusi i luftëtarit është i shenjtë. Askush s’ka të drejtë të manipulojë me statutin e luftëtarit të UÇK-së”.

”Ndihuni krenarë më luftën tuaj që keni bërë për vendin tuaj, askush s’do ta mohojë të drejtën tuaj. UÇK është e shenjtë, statusi i luftëtarit po ashtu dhe shteti i Kosovës dhe unë në cilën do pozitë të jem nuk do të lejojë që luftëtari të jetë lëmoshë apo të keqpërdoret emri i dikujt apo i imi”.

Mbas mbledhjes së Kryesisë së Kuvendit, Kadri Veseli, foli po ashtu edhe për çashtjen e dialogut si dhe ngecjen në liberalizimin e vizave, për të cilën tha se miqtë europianë duhen me u tregue ma korrektë ndaj kosovarëve.

”Kosova ka prioritete që ka të jashtëzakonshme në qeverisjen më të mirë në luftën kundër korrupsionit. Kjo është perspektiva jonë, ne do jemi çdo herë për dialog dhe do të jemi për paqe dhe fqinjësi të mirë”.

”Ne duhet të bëjmë më tepër në luftën kundër korrupsionit. Sa i përket cështjes së liberalizimit të vizave nuk është çështje e Kosovës. Është problem që ka të bëjë me Bashkimin Europian. Nuk dua ta ekzagjërojë këtë çështje sesa kam folur deri më tani, por miqtë tanë europianë duhet të jenë më korrekt me vetveten e tyre sepse nuk mund të jenë ata më të privilegjuar më shumë se sa ne”.

Shperndaje në: