Këshilltari i Veselit: Krahasimi i fotografisë së Pablo Escobar’it me lojtarët e Kosovës nga VV, e neveritshme

Avni Bytyçi, këshilltar i Kryeparlamentarit Kadri Veseli, ka reague sot ashpër ndaj zyrtarit të Vetëvendosjes, Yll Rugova, i cili në rrjete sociale ka publikue nji fotografi të famëkeqit Pablo Escobar i rrethuem me anëtarë të bandës së tij me tesha të futbollistëve tue e krahasue atë me fotografinë e liderit të PDK’s, Kadri Veseli, bashkë me lojtarët e Kombëtares së Kosovës.

Bytyçi e ka cilësue veprimin e Yll Rugovës të Vetëvendosjes të neveritshëm dhe në nivel të rrugaçëve.

Reagimi i plotë i Avni Bytyçit:

Yll Rugova e paska postuar një fotografi të Kadri Veselit me Kombëtaren e Kosovës, duke ia bashkuar asaj një foto të Pablo Escobar – i cili, prapa vetes ka anëtarë të narko-mafisë të veshur me fanella futbolli.

Pra, Ylli me Vetëvendosjen e krahasojnë Pablo Escobarin me Kadri Veselin dhe anëtarët e ekipit të Kombëtares së Kosovës.

E neveritshme. Dhe në nivel të rrugaçëve.

Nuk pritet ndryshe nga një formacion para-politik që e mohon shtetin, e djeg atë dhe në fund përbuz Kombëtaren e saj deri në ditën kur për një grusht vota Duce i tyre, Albin Kurti, pafytyrësisht përshëndet suksesin e tyre.

Thuhet se karakteri i njeriut përcaktohet nga metodat që ai përdor për ta arritur qëllimin. Këto parime vlejnë edhe në politikë, në këtë rast edhe për formacionin para-politik të partisë Vetëvendosje.

Pra, paradite të linçojnë, të fyejnë dhe të sulmojnë me bomba molotovi, pasdite Duce-Albini të nderon me titullin profesor. Paradite të quajnë koalicion i shpresës, pasdite pyesin ku është aktivisti i tyre i ndjerë?

E keni dekonspiruar veten. Nuk keni platformë politike. Nuk keni ofertë për Kosovën. Dhe, tash po mundoheni që me shpifje dhe etiketime ta ulni nivelin e këtyre zgjedhjeve.

Ne refuzojmë të biem në nivelin tuaj. Sepse, ne besojmë në këtë shtet. Sepse, ne ndërtojmë të ardhmen e këtij vendi me një vizion të qartë. Sepse, ne angazhohemi për qytetarin dhe shtetin e Kosovës.

Shperndaje në: