Premtimi i madh i Veselit për prodhuesit vendorë nëse bahet kryeministër

Kryetari i Partisë Demokratike të Kosovës (PDK), Kadri Veseli, asht takue sonte me banorët e Vushtrrisë me ç’rast iu ka dhanë nji premtim të madh të gjithë atyne që kanë biznise.

“Çdo prodhuesi që merr kredi për prodhim dhe eksportim të produkteve “Made in Kosova”, në qeverisjen time do ua subvencionojmë interesin e kredisë deri në 80 për qind. Po ashtu, do t’i rrisim edhe investimet në bujqësi, që njerëzit e vyeshëm të kësaj ane të vazhdojnë t’i punojnë tokat bujqësore dhe, çfarë është shumë e rëndësishme, do ta bëjmë edhe sigurimin e produkteve bujqësore”, ka shkrue Veseli.

“Për t’i zvogëluar dallimet ndërmjet fshatrave dhe qyteteve, si kryeministër do t’i kushtoj rëndësi shumë të madhe edhe zhvillimit të zonave rurale. Banorëve të këtyre zonave do u sigurojmë edhe qasje më të mirë në tregjet e shitjes me asfaltimin e 500 kilometrave rrugë rurale”, ka shkrue Veseli.

Shperndaje në: